India : Covid-19 kai thar 6,387 awm

India ramah Thawhlehni khan Covid-19 kai hmuh chhuah thar mi 6,387 an awm a, hemi ni vek hian he hri vanga thi hi mi 170 an awm bawk. 

Ministry of health and family affairs-in a tarlan danin,India ramah hri kai hi mi 1,51,767 an awm tawh a, an zinga mi 4,337 in an thihpui tawh a ni. Hetih lai hian hri kai zinga mi 64,425 chu enkawl dam an tawh a ni. 

Thawhlehnia hri vanga thi mi 170 zinga 97 chu Maharashtra mi niin, Gujarat-ah mi 27, Delhi-ah mi 12, Tamil Nadu-ah pakua, Madhya Pradesh, Uttar Pradesh leh West Bengal-ah mi panga ṭheuh, Rajasthan-ah mi pathum, Andhra Pradesh, Chandigarh, Haryana, Jammu and Kashmir, Kerala, Telangana leh Uttarakhand-ah mi pakhat 

ṭheuh an thi an awm bawk. 

India rama Covid-19 vanga thi mi 4,337 zinga 1,792 chu Maharashtra state-a mi an ni a, Gujarat-ah hri vanga thi 915 awmin, Madhya Pradesh-ah 305, Delhi-ah 288, West Bengal-ah 283, Rajsthan leh Uttar Pradesh-ah 170 ve ve, Tamil Nadu-ah 127, Andhra Pradesh leh Telangana-ah  57 ve ve an awm tawh a ni.