Karnataka Chief Minister-in June 1-ah Sakhaw hmun pawimawhte hawn phal turin a ngen
Kanataka chief minister BS Yediyurappa chuan prime minister Narendra Modi hnenah lehkha thawnin, hri leng vanga sakhaw hmun pawimawh hrang hrang - temple, mosque, biak in leh hmun dang kharte chu June 1 aṭanga hawn phal tawh turin a ngen.
Yediyurappa chuan an state-a sakhaw hrang hrang hmun pawimawhte chu hawn an duh tawh a, mahse sorkar laipui lam aṭanga phalna an nghah phawt a ngai tih a sawi.
March thla tawp lama PM-in hripui leng vanga ram pum huapa lockdown a puan aṭang khan sakhaw hmun pawimawhte hi khar chhunzawm an la ni reng a ni. Lockdown pawhsei a nih hnuah khuahkhirhna eng emaw zat chu thlah dul chhoh zel a ni a, public transport, sumdawnna hmun leh mipui veivah kawnga khapna siamte pawh hlih chhoh a nih laiin sakhaw hmunte erawh hawn phal an la ni ve lo a ni.
State minister Kota Srinivas Poojary chuan June thla aṭangin social distancing kalpuina hnuaiah sakhaw hmunte hi hawn theih a ni tawh an beisei hle tih a sawi.