PM Modi-a'n Global South Centre of Excellence tlangzarh

Prime minister Narendra Modi chuan khawvel chhim lam ramte intel khawm, DAKSHIN ramte tan Voice of Global South Summit ṭum hnihna hawnnaah global centre for excellence a tlangzarh. PM chuan kumin January-a Voice of Global South Summit neih hmasak bera centre din chu a rawt tawh thu a tarlang.

Modi hian tlangzarhna hun a hman rual hian thu sawiin, Dakshin Development leh thiam thil inhlan tawnna atana Global South Centre for Excellence din a ni ta chu lawmawm a tih thu a sawi."G20 summit neih a nih lai khan India aiawhin khaw chin leh boruak inlumleh dan hriat nan chhim lam ramte inṭawm tur satellite neih ka rawt tawh a, hemi tan hian chak taka hmalak mek a ni. Leilung awm tirh ata chhim lam ram hi a awm reng tawh a, tunah erawh a ṭum khat nan aw kan chhuah ve thei tawh ang. Hei hi kan zavaia thawhhona rah niin, ram 100 aia tam ni mah ila kan duh leh tumte a thuhmun a ni," tiin a sawi.

Voice of Global South Summit ṭum hnihna hi online-a neih leh tum a ni a, session 10-ah ṭhen a ni ang. He summit-ah hian chhim lam ramte tana India-in G20 president nihna a chelh laia hmalakna leh hmasawnna awm hrang hrangte hrilh hriatna neih chu a tum ber a ni. Summit-ah hian khawvel huapa chhim lam ramte'n tha an thawh ve-na tur leh kawng chi hrang hranga kalphung an siam ṭhat theihna turte sawiho a ni bawk ang.