UP-in ei tura halal branding chuanna khap

Uttar Pradesh state food commissioner chuan ei tur chi hrang hrang, chini, bawnghnute aṭanga thil siam, chhang ur, peppermint oil, hmawmsawm leh tel ei chi angah te halal chhinchhiahna chuang chi chu dan siam kalha chetna a ni tiin khap a nih thu an puang.

Commissioner Anita Singh chuan state sorkarin ei tur siam himna leh ṭhatna fiahna tur chungchanga kum 2006-a dan siam a lo nih tawh angin, halal chhinchhiahna chuang chuan mipui, thil leitute ngaihtuahna a tihbuai theih thu leh, sorkar dan siam a kalh thu a sawi a, dan siamah chuan thil leitute'n ei tur quality chungchanga an ngaihtuahna tibuai thei zawnga chutiang thil awm chu hrem theih a ni bawk, a ti. Anita Singh chuan dan siam hnuaiah halal branding chuanna siam, dah ṭhat leh hralh chhuah chu Uttar Pradesh-ah khap a nih thu a sawi a ni.