Srinagar-a Jamia Masjid-ah Zirtawpni tlaia ṭawngṭai khap

Srinagar-a Mosque, Jamia Masjid enkawltu Anjuman Auqaf chuan Gaza-a buaina chhuak mek chhuanlama hmangin, an mosque-ah kar ruk chhung chu Zirtawpni tlai ṭawngṭai khap a nih tawh thu a sawi. Mosque rawngbawltu, Mirwaiz Umar Farooq chu house arrest-in a awm mek bawk.

Mosque thupuangtu chuan Israel-in Palestine laka indo a puan hnuah Al-Aqsa mosque-a ṭawngṭai khapna a chhuak nghal tih a sawi a,"Jama Masjid-a Zirtawpni tlaia ṭawngṭaina kan neih ṭhin min khap leh, Mirwaiz khuahkhirhna siam hian Kashmir-a Muslim-te rilru a tina hle a ni. Thuneitute hian an thutlukna siam hi ennawn leh se la, mosque-a ṭawngṭai hi phal leh rawh se. Farooq-a pawh mosque-a rawngbawltu hna a thawh chhunzawm theiin siam leh rawh se," tiin a sawi.