Airport 27-ah CISF security awm lo

Ramchhunga airport-a venhim ngai zual nia ngaih 27-ah sum indaihlohna vangin Central Industrial Security Forced ( CISF) security pek a ni lo.

Belgium khawpui, Brus-sels-a firfiakten Zaven-tem airport an beih hnu-ah ramchhunga airport hrang hranga venhimna kal---pui dan chuan ngaihven a hlawh nghal a, mahse report chuan kum nga kal-ta aṭang khan airport 27-ah aviation security force CISF dah a ni lo tih a tar-lang.

Heng aiport 27-ah hian venhim hna thawk turin CRPF, India Reserve Battalion leh state police unit emaw te dah an ni zawk a ni. Kumin kumtir lam kha Parliamentary Standing Committee on Transport, Tourism and Culture report chuan hemi chung-chang hi a lo sawichhuak tawh a, ''Airport ven uluk ngai zuala sawiahte aviation security specialised force, CISF dah an ni lo hi a hlauhthawnawm hle a ni" tiin a sawi.

Central Industrial Security Force-ah hian mi nuai 1.42 vel an awm a, he force hnuaia trained unit, Aviation Security Group (ASG) tihah chuan additional director general-rank officer kaihhruainain mi 22,000 vel an awm mek bawk.