Coal scam : Court-in JIPL leh director pahnih thiam loh chantir
Lungalhthei laihchhuah phalna pek chungchang dik lo taka kalpui a nih chungchangah special court chuan nimin khan Jharkhand Ispat Pvt Ltd (JIPL) leh a director pahnih RS Rungta leh RC Rungta-te chu thiam loh a chantir.
Coal scam chungchang bik buaipui tura din, special court hian tun ṭum hi he buaina kaihhnawihah thutlukna a siamna hmasa ber a ni.
Special CBI Judge Bharat Parashar chuan Rungta-te unau leh JIPL hian North Dhadu coal block an chan theih na turin inbumna leh inphiarrukna an hmang tih a sawi a, phalna an hmuh dan hi dan kalh a ni, a ti. Court chuan March 31-ah hremna pek turte a puang ang.
CBI chuan court hnena hian coal block an chan theihna turin thiam loh chantir takte hian document lemte an siam niin a lo hrilh tawh a, nikum March 21 khan an pathum hian thubuai siamsak an lo ni tawh a ni. Rungta-te unau man an ni a, mahse tunah hian bail-in an chhuak mek a ni.
CBI chuan JIPL bakah hian firm dang pathum, M/s Electro Steel Casting Ltd, M/s Adhunik Alloys and Power Ltd leh M/s Pawanjay Steel and Power Ltd-te chu 27th leh 30th screeing committee chuan North Dhadu coal block tan hian phalna a pe tih a sawi. Screening committee hian firm-te document leh thil dang thehlutte chu a dik leh dik lo pawh enfiah a tum lo niin a sawi bawk.