Pathankot: NIA in JeM hotu voice sample dil

Pakistan firfiakten Pathankot Air Force base an beih chungchang chhui chiang tura rawn zin, Pakistan Joint Investigation Team (JIT) chu nimin khan Natoinal Investigation Agency (NIA) official-te nen an inkawm.

NIA hian Pakistan JIT hnenah hian air base beitu firfiakte call record an lakkhawmte chu an lo pe a, hemi rual hian pawikhawihna thlentu nia puh, Jaish-e-Mohammed (JeM) firfiak pawl hotu Masood Azhar voice sample chu Pakistan team hi an lo dil nghal bawk.

Member panga awmna Pakistan JIT hian Pathianni khan India an rawn thleng a, pawikhawihna thleng chungchang NIA in a lo chhui tawhnate chu an zirchiang nghal dawn bawk a ni. Pakistan Team hi NIA leh Pakistah High Commission chuan lo dawngsawngin, vawiin hian Pathankot-ah hruai an ni ang.