Vishakhapatnam-ah sangha mantute lawng chawlhna a kang

Vishakhapatnam Port Authority (VPA) bul hnaia awm, Vishakhapatnam sangha mantute lawng chawlhnaah kangmei a chhuak a, sangha manna lawng 25 a kang ral. Nunna chan an awm lo nia sawi a ni a, bungraw kang leh chhia zawng zawng hlut zawng Rs. vbc 15 hu a tling.

Regional fire officer, Niranjan Reddy chuan sangha mantute lawng chawlhna kang ṭhelh tur hian kang ṭhelh motor 14 tirh a nih thu sawiin, Pathianni zanlai dar 12:30-a kang ṭan a nih thu leh, nimin zing dar 4 leh a chanve vela an ṭhelh theih chauh thu a sawi. Kangmei chhuah chhan hi hriat a la ni lo a, police-te'n an chhui mek a ni.

Police-te chuan lawng pakhata party an awm thu leh, he party-ah hian zu in hote chu intibuaiin, hei vang hian kang mei chhuak niin an sawi a, lawnga zu bua chuan kang mei a siam palh thei niin an sawi. Police-te chuan lawnga party-te hi an zawng mek a ni. Hetih lai hian sangha mantute chuan misual tuten emaw an lawng chu an hal nia an rin thu an sawi thung.