India leh Australia-in 2+2 ministerial dialogue nei

India leh Australia chuan Thawhṭanni khan 2+2 ministerial dialogue neiin, ram pahnihte inkara venhimna chungchanga thawh dunna tur leh inzawmna ṭha zawk nei tura ruahmanna siam chungchangte an sawi a ni.

2+2 ministerial dialogue-ah hian India aṭangin defence minister, Rajnath Singh leh external affairs minister S. Jaishankar te an tel a, Australia aṭang hian defence minister, Richard Marles leh foreign minister, Penny Wong bakah, deputy prime minister te an tel a ni. Meeting-ah hian ram pahnihte thawh dunna ṭha zawk nei tura inbiakna bakah, insumdawn tawnna leh investment chungchang te, mineral pawimawh bik sector khawih thil an sawi bawk.

India leh Australia 2+2 ministerial dialogue neih chungchangah hian External Affairs Ministry thupuangtu, Arindam Bagchi chuan,"Minister-te hian an ngaihdante sawiin, India-Australia inzawmna tinghet tur leh, ralthuam leh venhimna lam khawih thilah te, insumdawn tawnna bakah mineral pawimawh bik te, energy, sik leh sa inthlak, S&T, van thengreng zirna, zirna in leh ram mite inpawhna tur chungchangte an sawiho a ni. An huam chhung mai bakah khawvel huapa hna ṭha thawh theihna tur kawngte an ngaihtuah bawk," tiin X-ah a tarlang.