Health Ministry-in draft National Pharmacy Commission Bill tichhuak

Union health ministry chuan damdawi siamtu leh mipuite ngaihdan lakna atan November 20 khan draft National Pharmacy Commission Bill a tichhuak.

Home ministry chuan he bill hi National Pharmacy Commission dinna atan leh Pharmacy Act, 1948 ṭhiah nana ruahman a nih thu sawiin, draft National Pharmacy Commission bill chu buatsaih a nih tawh thu leh, a duh apiang tana en theih turin ministry website-ah tarlan a nih thu an puang.

He bill-in a tum ber chu damdawi ṭha siam leh zawrh kawnga thiamna ṭha zawk neih leh mi tin ban phak tura a man bituk bakah, ram chhung hmun tina damdawi lam thiam bik awm theihna tura hmalak te, mi zawng zawng tana inenkawlna senso intluk tlang a awm theih nana damdawi man siam rem te a ni. Heng bakah hian bill hian hunbi nei leh langtlang zawka pharmacy institution leh pharmacy register te endik chu a tum bawk a, damdawi lam thiamte chu zir chianna thar ber hmanga an hna thawk tawh turin a beisei. He bill hian New Delhi-a National Pharmacy Commission dinna tur pawh a ruahman tel a ni.

Draft bill-ah hian pharmacy professional-te dinhmun langtlang taka hriat a nih theih nan Pharmacy Ethics and Registration Board-in National Pharmacy register an enkawlna tur pawh ruahman a ni bawk.