March 31-a Uttarakhand sorkar fiah turin Court-in a hriattir

Sorkar laipuiin Uttarakhand state-a President's Rule a puan chu Congress party-in Uttarakhand High Court-ah a khin hnuah, High Court chuan Chief Minister Harish Rawat-a kaihhruai Congress sorkar chu March 31-a Assembly inkhawmah fiah turin a ti.

Uttarakhand-a rorellai, Congress party MLA pakua-te sorkar laka an hel hnuah, BJP chuan MLA helte thlawpnain sorkar thar a siam thei niin an sawi. Governor KK Paul chuan March 28-a Congress sorkar hi House-ah fiah tura a tih hnuin, sorkar fiah hun thlen hmain central-a BJP kaihhruai sorkar chuan President's Rule hi a puan hnan ta a ni.

Mahse Congress party chu High Court-ah an zualko nghal a, court chuan March 31, chawhma dar 11-ah sorkar fiahna hun hi Assembly inkhawma buatsaih turin a ti ta a ni. He hunah hian a hmaa Assembly speaker-in a lo hrem tawh, MLA hel pakua-te chu vote thlak phalsak an ni dawn thung a, mahse an vote erawh chu a hrana dah a ni a ng.

Court chuan Speaker chu floor test result puang nghal lo tur leh, vote thlakna result chu envelop-a char hnan thlap chunga court-ah thelhuth turin a hrilh bawk. Eng party-in nge majority nei thei tih chu a hnuah puan a ni dawn chauh a ni.