Indian coast guard-te'n Sri Lanka sangha mantu panga man

Indian coast guard-te chuan Tamil Nadu-a Dhanushkodi khaw bulah, Sri Lanka mi sangha mantu panga chu India ram china lut ru-ah puhin an man, Heng sangha mantute lawng pawh hi an hreng nghal a, Marine police-te kutah an hlan.

Sri Lanka sangha mantu an mante hi; Abdul Hameed (40), Ahmed (27), Vimal (26), Atul Prasad (25), leh Ajit (25) te niin India tuipui chin hi tihpalh thil thua lut niin senior police officer chuan a sawi a, central leh state agency-te chuan an chhui chiang dawn a ni. Indian coast guard te hi hovercraft hmangin IMBL chhehvel vil hian an kal kual a, Sri Lanka lam aṭanga sangha mantute lawng hi India tuipuia a lut lai an hmu ta a ni. Heng mite hi Sri Lanka-a Thalaimannar mi nia insawiin, thu zawh fiah an nih hnuah Marine police te kutah an hlan nghal a ni.