Supreme Court kawtah Ambedkar-a lim hawng dawn

India-in zalenna a neih aṭanga kum 76 zet a ral hnu, kumin November 26-a Constitution day/National Law day hman hunah India constitution siamtu zinga mi, father of Indian constitution an tih, Dr. BR Ambedkar-a lim chu Supreme Court tualzawlah dah a ni dawn. President Droupadi Murmu-i'n Pathianni zing dar 10:30 ah lim hi hawng dawn a ni.

Supreme Court tualzawla Ambedkar-a lim dah tur hi Chief Justice of India, DY Chandrachud hmalakna nia sawi a ni a, feet 7-a sang a ni ang. A dinna hi feet thuma sang a ni ang a, lawyer thawmhnaw hak tirin constitution bu kentir a ni ang. Supreme Court tualah hian lim pahnih din tawh niin, pakhat chu India chhulchhuak British artist, Chintamoni Kar siam, Mother India banga lem ziak ang chi a ni a, pakhat zawk hi British artist siam tho, Mahatma Gandhi lim a ni thung.

Dr. Ambedkar-a lim hi ram chhung hmun hrang hrang; khawpui, thingtlang leh khawpui lian deuh thlengin ban phara siam ṭhin a ni a, hei hi mipuite hma lam pen tura fuihna entir nan hman a ni. Ambedkar-a lim hi Naresh Kumawat siam niin India mi, Supreme Court tualzawla lim pawimawh tak dah tur siamtu hmasa ber a ni.