Malaysia-in India mite tan visa tel loa zin phalsak dawn

Malaysia prime minister Anwar Ibrahim chuan Peeple's Justice Party Congress-a thu a sawinaah India khua leh tuite tan ni 30 chhung cham turin December 1 aṭangin visa tel loa cham an phalsak dawn niin a puang. Ibrahim hian visa tel loa zin phalna dil theih hun chhung erawh a sawi lang lo thung.

India khua leh tuite chuan Malaysia kal tur hian visa an mamawh tawh dawn lo a, visa nei lo hian ni 30 chhung an cham thei dawn bawk a ni. Visa neih hi ngai lo mah se security check an paltlang erawh a ngai dawn thung niin Malaysia PM chuan a sawi. Malaysia-in visa tel loa India mite tana an ram luh theihna a hawn hma hian Sri Lanka, Vietnam leh Thailand te chuan an lo kalpui tawh bawk a ni.

Ibrahim hian India leh China aṭanga khualzin hipna atan leh Malaysia ram chhunga investment punna atan he hmalakna hi kalpui an nih thu puangin, India chu Malaysia tana market lian ber pangana a nih phak thu a sawi. Kumin January aṭanga June thla inkar khan Malaysia hian khualzin maktaduai 9.16 neiin, heng zinga 2,83,885 chu India aṭanga kal an nih thu a tarlang bawk.