Ayushman Bharat Health and Wellness Centre hming thlak

Sorkar laipui chuan Ayushman Bharat Health and Wellness Centres (AB-HWCs) chu 'Ayushman Arogya Mandir' tiha thlak a nih thu puangin, 'Arogyam Parnam Dhanam' tiha hman tur a nih thu an tarlang. Health Ministry chuan Ayushman India hmathlir tihlawhtling turin AB-HWC hming hi thlak a nih tur thu a puang.

Union Health ministry chuan thuchhuah hi siamin, state leh union territory-te zawng zawng hnenah lehkha a thawn a, hming thlakna chu kum tawp hmaa tifel vek turin a ngen. Health Ministry official chuan,"He hmalakna hmang hian state zawng zawngte chu AB-HWC portal-ah primary health facility hming an thlakna thlalak dah vek turin a hriattir a ni," a ti. Hetih rual hian National Health Mission (NHM) logo erawh hman chhunzawm tur a ni thung.

AB-HWC hmunhma awm sate hming thlakna atan hian Rs. 3,000 zel ruahman a ni. India hian inenkawlna awlsam tak, nu nau pai leh naupangte bakah, damdawi mamawh rang taka pek chhuaha, mipuite in hnaih taka inenkawlna a awm theih nan AB-HWC hnuaiah hian hmun nuai khat chuang a din tawh a ni. Heng hmunahte hian hypertension, zunthlum, aw bawm, hnute leh nghawng vela cancer veite enkawlna tur buatsaih a ni bawk.