India-in China beihna a do let, PLA a nawr let: Rajnath Singh

Union defence minister Rajnath Singh chuan nimin khan India chuan Line of Actual Control (LAC)-a China beihna a do let tih sawiin People’s Liberation Army (PLA) chu an ram lamah an nawr let leh tih a sawi.

Kumtina neih ṭhin Federation of Indian Chambers of Commerce and Industry (FICCI) convention-a thu a sawinaah Rajnath Singh chuan hemi chungchang hi sawi chhuakin India ram chu a chanchina pawimawh tak tur, amahin a ding thei a ni tih a lantirna hunah a ding mek tih a sawi a, tupawh a dolet thei tih leh eng chona pawh a hmachhawn thei a ni tih a lantir hun a ni, a ti.

Rajnath Singh chuan industry-te chu armed force-te thawhpui tura hma la tura sawmin, technology dik leh ralthuam ṭha hmanga ram venhim bakah ram danga sipai hmanrua thawnchhuahna kawnga sipaite thawhpui turin a sawm.

India leh China sipaite chu Ladakh Sector-a LAC-ah thla riat chhung an inep tawh a, inbiakna ṭum eng emaw zat nei tawh mah se a hlawhtling hlei thei lo a, ramri lehlam lehlamah sipai tam tak inralringin an awm mek a ni.