Parliament winter session-a sawiho tur bill 18 awm

Parliament winter session, December ni 4-a ṭan turah sorkar laipui chuan bill 18 pharh a nih tur thu puangin, heng zingah hian criminal law pathum thlakna tur bill bakah, Jammu & Kashmir leh Puducherry-a hmeichhe tana reservation siamna dan pawhsei te a tel.

Lok Sabha Secretariat bulletin tihchhuahah chuan sorkar laipui hian Jammu & Kashmir assembly tihlenna tur bill pawh sawiho a nih tur thu an tarlang a, bill-ah hian Jammu & Kashmir assembly-a seat 107 awm chu seat 114-a tihpun an tum a ni. Hei hi Kashmir-a pem lut leh Pakistan awp Jammu & Kashmir-a scheduled tribe te'n aiawhtu an neih theihna atana tih a ni. Bill sawiho tur zingah hian chief election commissioner leh election commissioner ruatna bill te, West Bengal MP Mahua Moitra chungchanga committee-in amah hmu tura pawisa la ṭhina an puhna te pawh a tel bawk.

Bill hrang hrang sawiho tur bakah hian kum 2023-2024 atana supplementary demand for grants batch hmasa ber pharhna, sawihona leh vote lakna pawh neih a ni ang. Parliament winter session hi December 4 aṭanga December 22 thleng neih tur a ni a, sitting vawi 15 a awm dawn a ni.