December-ah Bank-te ni 18 chawl dawn

Reserve Bank of India (RBI) chuan December thla atana bank holiday turte puangin, bank-te chawlh hun chhung tur belhkhawm hi ni 18 a ni. Bank chawlh hian December thlaa Pathianni zawng zawng a huam a, hei bakah hian Inrinni vawi hnihna leh vawi lina te pawh a tel.

Kut chawlh chungchangah chuan state-in kut an hman bik hunah angah state chhung bank-te an chawl ang a, ram pum huapa lawm kut; Krismas-ah chuan ram puma bank-te an chawl vek ang. Bank chawlh hi RBI chuan thla tin a siam ṭhin a, chi thumah ṭhen niin, Negotiable Instruments Act, Holiday, Real Time Gross Settlement Holiday leh Banks' Closing of Accounts te an ni. RBI-in bank holiday a puante chu: December 1 : State Inauguration Day/Indigenous Faith day (Itanagar leh Kohima), December 3: Weekend (State zawng zawng), December 4 : Feast of St. Francis Xavier (Goa), December 9 : Inrinni vawi hnihna (State zawng zawng), December 10 : Weekend (State zawng zawng) December 12 : Pa-Togan Nengminja Sangma (Shillong), December 14 : Losoong/Namsoong (Gangtok), December 17 : Weekend (State zawng zawng), December 18 : Death anniversary of U SoSo Tham (Shillong), December 19 : Goa Liberation Day (Goa), December 23 : Inrinni vawi lina (State zawng zawng), December 24 : Weekend (State zawng zawng), December 25 : Krismas (State zawng zawng), December 26 : Christmas Celebration (Aizawl, Kohima leh Shillong), December 27 : Krismas (Kohima), December 30 : U Kiang Nangbah (Shillong), December 31 : Weekend (State zawng zawng).

RBI chuan mipuite chu bank chawlh awm tur mila che turin a chah a, online banking leh UPI te erawh chawlh hian a nghawng dawn loh thu leh, a hman reng theih tur thu an tarlang bawk.