Odisha sorkarin Health Department nawrh khap nan ESMA hmang

Odisha sorkar chuan Health department-a hnathawkte nawrh khapna leh dan nan Essential Services (Maintenance) Act (ESMA) hman a nih thu a puang. ESMA hman leh nawrh khapna hi thla ruk chhung kalpui a ni ang.

Home department-in December 6-a thuchhuah a siamah chuan," Nurse, damdawi zuar, paramedics, technician leh class III leh class IV hnathawk te bakah contract-a chawrte thlengin, sorkar damdawi in leh sorkar hmunhma danga thawkte zawng zawng pawh huamin an nuar tur khap nan hetiang hian dan hman lailawk tur hi siam a ni," tiin an tarlang. He nawrh khapna dan hian municipal damdawi ina thawk te, ESI hospital-a thawk te, Acharya Harihar Regional Cancer Centre, Cuttack, Regional Spinal Injury Centre, Cuttack, jail hospital te leh police hospital-a thawk te pawh a huam vek a ni.

Orissa Essential Services (Maintenance) Act, 1988, section 2(b) hnuaia tarlan a nih danin nawrh tih hi ni tin mamawh thila chhawrte; mimal emaw, a huho anga hna an thawh duh lohna tiin hrilh fiah a ni a, hei hian hna an thawhna hmun aṭanga inthuruala chawlh an lak te pawh a huam bawk.