President-in Union Minister-te banna a pawm

President Droupadi Murma chuan prime minister Narendra Modi rawtna angin union minister ni lai, Narendra Singh Tomar, Prahlad Singh Patel leh Renuka Singh Saruta te banna theh luh chu a pawm.

Narendra Singh Tomar leh Prahlad Singh Patel te hi Madhya Pradesh assembly inthlan neih zawh takah khan MLA atan thlan tlin an ni a, Renuka Singh Saruta hi Chhattisgarh assembly inthlanah khan MLA atan thlan tlin a ni ve bawk. MLA atana thlan tlin an nih hnuah Nilaini khan Lok Sabha aṭanga an banna hi an theh lut a ni.

Rashtrapati Bhavan thuchhuahah chuan Narendra Singh Tomar portfolio chelh lai Agriculture and Farmers' Welfare chu Arjun Munda hnenah hlan a ni a, ani hi Tribal Affairs minister ni lai a ni. Hei bakah hian Prahlad Singh Patel portfolio chelh lai, Ministry of State for food processing industries chu Shobha Karandlaje hnenah pek a ni bawk. Patel hi Jal Shakti minister ni lai a ni bawk a, he a portfolio hi Rajeev Chandrasekhar hnenah pek a ni. Minister of state for tribal affairs chelhtu, Renuka Singh Saruta portfolio chu Bharti Pravin Pawar hnenah hlan a ni bawk.