Assembly inthlan 11-ah home voting hmang mi nuai 3.30 awm

Sorkar data-a a landanin, Assembly inthlan 11-ah home voting facility hmang, kum upa leh rualban lo mi nuai 3.30 an awm.

Inthlan neiha mahni in lama vote thlak phalsakte hi kum 80 leh a chunglam, rualban lo leh Covid-19 hri veite an ni. Heng mite hian in lama vote an thlak theihna turin political party hrang hrang aiawh leh polling personality-ten an chenna inah kal chilhin, vote an thlak tir a ni.

State assembly inthlan 11 neih taka in lama vote thlak zingah hian kum 80 chunglam mi nuai 2.6 chuang leh, rualban lo 70,000 chuang an awm. Home voting facility buatsaihnate hi kumin Novembr thlaa inthlan neihna Madhya Pradesh, Chhattisgarh, Mizoram, Rajasthan, leh Telangana bakah, a hma deuha inthlan lo neih tawhna Gujarat, Himachal Pradesh, Meghalaya, Nagaland, Tripura leh Karnataka te an ni.

Home voting hi Election Commission-in inthlan buatsaih huam zau zawka kalpui a nih theihna tura a hmalakna pakhat a ni. Chief Election Commission Rajiv Kumar chuan voter, kum 100 tling mi nuai 2.5-te hnenah, India democracy tihchakna tura an tha thawh vangin lawmthu sawina lehkha mimal tinte a thawn a ni.