Mayawati-i'n amah thlaktu atan a vahpa a ruat

Bahujan Samaj Party (BSP) hotu lu ber, Mayawati chuan politics lama amah thlaktu atan a vahpa, kum 28 mi Akash Anand a ruat.

Akash Anand hi national coordinator nilai a ni a, kum 2019-a Lok Sabha inthlanpui neihah khan Maywati tana campaign-naah a rawn langsar chho a ni. Hemi hma hian BSP event-ah ṭum engemaw zat a lo tel tawh bawk.

Nimina party officer bearer-te nena meeting an neihah, Mayawati hian amah thlaktu tura a ruat hi a puang a ni. Politics-a chhungkaw member-te nihna inhlanchhawn sawiseltu nasa tak ni ṭhin, Mayawati hian kkum 2019 khan a nuṭapa Anand Kumar chuan party national vice president atan leh, Akash hi national coordinator atan a lo ruat tawh bawk.

Kum 1995-a piang, Akash Anand hi Mayawati nau, Anand Kumar-a fapa a ni a, kum 2017 khan kum 22 mi chauh niin politics a luhchilh ṭan a ni. London aṭanga MBA graduate a ni. Kumin kumtir khan Akash Anand hian ni 14 awh, 'Sarvajan Hitay, Sarvajan Sukhay' Sankalp Yatra a lo nei tawh a ni.