Pranab Mukherjee dinhmun ziaawm thei rih lo

India ram president hlui Pranab Mukherjee chu Covid-19 hri a kai hnuah damdawiina enkawl zui a ni a, ventilator hmanga thawk tir niin a dinhmun hian ziaawm lam a pan hlei thei lo.

Kum 84 mi Pranab Mukherjee hi August 10 khan Covid-19 a kai tih hriatchhuah a ni a, hemi hnu hian Delhi-a Army Research and Referral Hospital-ah enkawl zui a ni. Army hospital hian nimin zing khan Mukherjee dinhmun chuan hmasawn lam a pan loh thu leh, ventilator hmanga thawk tir a la nih thu a tarlang bawk. Pranab Mukherjee hi India ram president 13-na a ni a, kum 2012-2017 chhung khan president a ni.