MP Chief Minister thar tur Mohan Yadav

Madhya Pradesh assembly inthlan neih zawh taka hnehna changtu, BJP chuan chief minister thar turin BJP sorkar hmasaa higher education minister, Mohan Yadav chu nimin khan an ruat fel ta.

Tun ṭum inthlana Ujjain Dakshin bial aṭanga thlan tlin, kum 58 mi Yadav hi ṭum thum MLA atana thlan tlin a ni tawh a, sorkar hmasaa chief ministr Shivraj Singh Chouhan a thlak dawn ta a ni. Chouhan hian CM hna hi term li a lo chelh tawh a ni. BJP chuan deputy chief minister atan mi pahnih - Jagdish Deora leh Rajesh Shukla an ruat bawk. Assembly speaker atan union minister hlui, Narendra Singh Tomar chu an ruat bawk.

Novmber 17-a state assembly inthlan neihah khan assembly seat 230 awm aṭangin BJP chuan seat 163 an la a, heti hian kum 2000 hnua Madhya Pradesh-a sorkarna an siam vawi 5-na tur a ni ta a ni. Seat la hnem ber dawttu, Congress party chuan seat 66 an la ve bawk a ni.