Lockdown vangin April-ah hna chan mi mtd 122 awm

Hripui leng vanga ram pumah lockdown puan vangin mi tam tak hna thawk thei loin an awm a, Center for Monitoring Indian Economy in a tarlan danin April thla thleng khan India ramah hna chan mi maktaduai 122 an awm tawh.

 

Hna chan tam zawk hi khawlaia thil zuar, industry-a thawk, ricksaw driver, sumdawnna tenaua thawk, nitina inhlawhfate leh a dangte a ni a, hengte hian ram chhunga inkharkhipna hman mek hi an tuar hle a ni. Inkharkhip hian thingtlanga nitina ei zawnga inhlawhfate a nghawng nasa zual hle a, thingtlanga cheng 80% aia tam chu inkharkhip vang hian an thla khat lakluh a tlem phah a ni.

World Bank-in ram ṭhang mekte tana a siam, poverty line chin a duan chu nikhata US dollar 3.2 lalut tling lo a ni a, India-a below poverty line (BPL)-a awm hi 60% an ni a, hei hi mi mtd 812 a ni. IPE Global managing director, Ashwajit Singh chuan Covid-19 avanga inkharkhipna chuan India BPL awm zat a tihsan a rin thu leh, mi mtd 920 chu BPL an awm phah theih thu a sawi.