Madhya Pradesh-ah ualau taka sa leh artui zawrh khawp

Madhya Pradesh Chief Minister atana lak luh a nih hnu lawkah Mohan Yadav chuan cabinet meeting hmasa ber thuchhuak angin, Madhya Pradesh chhunga sa leh artui ualau taka zawrh khap a nih thu a puang.

Chief Miniter Yadav chuan cabinet meeting an neih thu hi sawiin,"Sa leh artui ualau taka zawrh hi eitur himna kaihhnawiha dan kan neihte zawm a ngaih avangin khap ni se kan ti a ni. Hmalakna tak tak erawh chu khawtlang mipuite hnena thil awmzia inhrilhna mumal tak awm hunah kalpui a ni chauh ang," tiin a tarlang. Hei bakah hian cabinet meeting chuan tendu hnah la ṭhinte'n bag khatah Rs. 4,000 zel an dawn tur thu an pawm tih sawi bawkin, nakkum January 1 aṭangin district 55-ah Cyber Tenshil scheme; ro khawm chungchang awlsam zawka inhlan chhawnna tur an kalpui tur thu a sawi bawk.

Sa leh artui ualau taka zawrh khapna kalpui tur hian Food Department, police leh khawpuia veng tin hruaitute chu ruat an ni a, December 15 - 31 inkar aṭangin hma an la ṭan dawn niin Yadav chuan a sawi. Mohan Yadav hi Madhya Pradesh Chief Minister atan hian Nilaini khan lak luh a ni.