Khawvela office lian ber Surat-ah hawng

Khawvel-a office lian ber ni turin Surat diamond exchange office chu nimin khan prime minister Narendra Modi-a'n a hawng. Surat diamond exchange office hi Gujarat-a Diamond Research and Mercantile (DREAM) City-a awm a ni a, chhawng 15-a sang building pakua ding khawm niin, office 4,700 a awm.

Surat diamond exchange hi khawvela lunghlu leh tlereuh hmanga sumdawnna hmunpui lian ber tur a ni a, lunghlu lama mi thiam bik; a zaitu, a nawt mamtu leh a zuartu zawng zawng; mi 65,000 chuang tana hmun pakhata an mamawh zawng zawng an hmuh theihna tur atana siam a ni.

India rama lunghlu thawn chhuahna hmunpui chu Mumbai ni mah se, Diamond City tia hriat ṭhin, Surat-ah hian khawvela lunghlu siam leh nawh hna, 90% hi thawh a ni thung. Surat diamond exchange office atan hian ram feet maktaduai 6.7 biala zau hman a ni a, July thla khan Rs tld 32 senga sak zawh a ni. Khawvela office lian ber ni ṭhin, US-a Pentagon chu office lian ber nihna a chhuhsak ta a ni.