PM-in Viksit Bharat Sankalp Yatra tlangzarh

Prime minister Narendra Modi chuan Inrinni khan video conference hmangin Viksit Bharat Sankalp Yatra hamṭhatna dawngtu tur state pangate inkawmna neihpuiin, India hmasawnna chu khawpui te kan tihte kutah a innghah thu a sawi.

Prime Minister chuan,"Zalenna kan neih hnua hmasawnna kan lo neih tawh zawng zawngte hi khawpui lianah te chauh hmuh tur a awm ṭhin a, tunah chuan khawpui te zawkte lamah ngaihtuahna kan seng tawh dawn a ni. AMRUT mission leh smart city mission hnuaiah heng khawpui tete hian hmasawnna an hmu ve ṭan a, tihchangtlun an ni bawk. An hmasawnna hmuh zingah khawpuia khawsak awlsamna te, veivah awlsamna te, hnathawh a awlsam zawkna te a tel. Heng khawpui tihchangtlunna atana kan seng luhte hi mi rethei, vantlang deuh leh hausa ber te chenin kan chhawr a ni." tiin a sawi.

PM Modi hian Covid-19 hri len laia sorkar laipuiin state-te hnena ṭanpuina a pek te, Covid-19 damdawi a ngaihtuah te, mi retheite tana ration a thlawna a sem te bakah, khawlaia thil zuarte tana bank nena inthlunzawmna kawng an hawn te tarlangin, Ayushman Bharat scheme hnuaiah khawpuia mi retheite chuan inenkawlna senso atana sum tam tak an khawl theih phah thu a sawi bawk.

Viksit Bharat Sankalp Yatra (VBSY) campaign hi PM Modi hian inthlan avanga a khawtlaina; Rajasthan, Madhya Pradesh, Chhattisgarh, Telangana leh Mizoram tan tlangzarhin, state-a sorkar thlan tharte chu VBSY hmalakna kalpui zung zung turin a hriattir a ni.