Lok Sabha-ah Telecommunications Bill 2023 pu lut
Union communications minister Ashwini Vaishnaw chuan nimina Lok Sabha rorel inkhawmah Telecommunications Bill 2023 a pu lut. He dan siam thar hi Indian Telegraph Act 1885, Indian Wireless Telegraphy Act 1933 leh Telegraph Wires (Unlawful Possession) Act, 1950 thlakna tura tih a ni.
Telecommunications Bill 2023-ah hian mipuite himna tur leh, public emergency-ah chuan sorkar laiin telecommunication network eng pawh a laksak thei tih tarlan a ni. Sorkar laipui leh state sorkara accredited media person-te press message chu clause (a) sub-section (2) in a khapsak a nih loh chuan, lo dansak leh tihkhawtlai sak tur a ni lo tih a ni. Dan loa message-te lo dansak chu kum thum thleng jail tantir theih leh, Rs vbc 2 thleng chawitir theih an ni bawk ang. Draft-ah hian Telecom Disputes Settlement and Appellate Tribunal dinna tur tarlan a ni bawk.