Prime Minister-in khawvela meditation centre lian ber a hawng

Prime minister Narendra Modi chuan nimin khan a bial, Uttar Pradesh-a Varanasi-ah khawvela meditation centre lian ber, Swarved Mahamandir a hawng.

Swarved Mahamandir-ah hian meditation ti turin a rualin mi 20,000 chuang an leng thei dawn a ni. Temple hi chhawng sariha sang niin, square feet 3,00,000 chuanga zau a ni a, petal lotus dome 125 a awm. A awmna hmun hi Umaraha area, Varanasi city center aṭanga km 12 vela hla a ni. Temple-a Makarana marble-ah hian Swarved verse 3,137 chhut a ni bawk.

Kum 2004 aṭang khan he temple sak hna hi ṭan a ni a, engineer 15 leh thawktu 600 te'n an sa a ni.