INDIA-in December 22-ah lungawi lohna lantir tum

Eptu pawl intelkhawm, Indian National Developmental Inclusive Alliance (INDIA) chuan December 22 hian Parliament winter session neih mekah eptu member tam tak suspend an nih avamngin ram pum huapin lungawi lohna an lantir dawn.

December 19-a New Delhi-a meeting an neihah, lungawi lohna lantir hi an rel a ni. Hei hi INDIA-in meeting an neih ṭum lina niin, party 28 aiawhte an tel. INDIA-in nakkum Lok Sabha inthlanpui neih tura seat an insem dan tur chungchang chu state tinah sawiho hmasak a ni phawt dawn a, state bilah inremna an siam thei lo a nih chuan central leader-te an inrawlh chauh dawn tih Congress president Mallikarjun Kharge chuan a sawi. Inthlanpui neih hmain meeting hi vawi 8-10 vel la neih leh an tum tih a sawi bawk.