Central team-in Tamil Nadu tlawh dawn

Ruahsur nasa vanga tuilian tuar mek, Tamil Nadu state-ah chhiatna thlen dante enfiah turin central team an kal dawn.

Defence Ministry chuan Tamil Nadu chhim lam district-a ruahsur nasa tak tuartute ṭanpui leh chhawmdawlna chu sorkar laipuiin a pe dawn tih a sawi. Indian Air Force (IAF) helicopter hmangin tuilian tuar mekte chhawmdawlna hi pek an ni.

Tuilian hi chhim lam district pali - Tirunelveli, Tuticorin, Tenkasi, leh Kanyakumari ten an tuar nasa zual a, thil tam tak ruahsur hian a tichhia a ni. Heng district palite hi inter-ministerial team chuan a tlawh dawn a, chief minister MK Stalin pawhin vawiin hian a tlawh bawk ang. Ni hnih chhung, December 17 leh 18-ah ruah nasa taka surin chhiatna a thlenah hian mi 10 in nunna an chan tawh a ni. Ni hnih chhung lek hian Tuticorin district-a Kayalpattinam-ah chuan ruahsur zat hi 1.1192 mm a tling a, Tiruchendur-ah 916 mm a sur bawk. Ruahsurin inkalpawhnate a tihchhiat tel avangin, tuilenna bialah hian mi tam tak an tangkhang mek a ni.