Chhattisgarh sorkarin cabinet minister ruat belh

Chhattisgarh gover­nor, Biswabhusan Harichandan chuan nimin khan Chhattisgarh khawpui, Raipui-a Raj Bhavan-ah cabinet minister atana ruat thar, mi pakuate lak luhna hun a hmang. Chhattisgarh cabinet- ah hian minister 12 an awm ta a, a tam berah mi 13 an awm thei a ni.

November thla inthlana BJP-in hnehna an channa hmun, Chhattisgarh-ah hian Vishnu Deo Sai chu chief minister atan ruat niin, deputy chief minister te Arun Sao leh Vijay Sharma te an ni a, anni hi December 13 khan lak luh an ni tawh a ni. Cabinet minister atana lak luh thar mi pakua zingah hian term 8 MLA lo ni tawh, Brijmohan Agrawal te, party hruaitu hlun leh minister pawh lo ni tawh, Ramvichar Netam, Kedar Kashyap leh Dayaldas te an tel bawk a ni. Minister-te portfolio tur hi la puan ṭhat leh tur a ni.