Congress-in NAC din

Congress chuan INDIA-a an thawhpui party dang hruaitute nena inbiakna nei a, nakkum Lok Sabha inthlan atana seat chuh tur insem dan tur sawipui turin National Alliance Committee (NAC) an din tih an puang.

NAC-ah party chhunga hruaitu hlun tak tak panga awmin, Mukul Wasnik chu convener a ni a, Inrinni khan meeting nei nghalin, nakkum inthlan atana seat insem dan tur chungchangah state tina party hruaitute an kawn dawn bawk a ni. Wasnik chuan,"Tuna kan dinhmun uluk takin kan ngaihtuah a, ni rei lote hnuah kan kal zel dan tur ngaihtuah turin state tina party hruaitute kawmna hun kan nei hmasa dawn a ni. An ngaihdante lain seat insem tur chi te kan tifel anga, hma lam pan dan tur kan ngaihtuah chhunzawm ang," tiin, state tin party hruaitute nena meeting an neih hun tur erawh a tarlang lo thung.

NAC member zingah hian chief minister pawh lo ni tawh; Ashok Ghelot leh Bhupesh Bhagel bakah, union minister hlui; Salman Kurshid leh party hruaitu hlui; Mohan Prakash te an tel bawk a ni.