J&K-ah PM Vishwakarma Yojana hmang ṭan

Jammu & Kashmir chuan PM Vishwakarma Yojana an kalpui ṭan thu puangin, India ram Union Territory (UT) zinga PM Vishwakarma Yojana (PMVY) hmang hmasa ber an nih thu sorkar laipui chuan a puang.

PMVY hnuaia Vishwakarmas an tih, batch hmasa ber hnuaia training tur mi 30 te chu Advisor to Lieutenant Governor, Rajeev Rai Bhatnagar chuan video conference kaltlangin an training programme tur a tlangzarh a, he hunah hian Union Ministry of Skill Development and Entrepreneurship (MSDE) Secretary, Atul Kumar Tiwari pawh a tel a ni.

Bhatnagar hian J&K chu UT zinga he scheme hmang hmasa ber an ni thei chu fakawm a tih thu sawiin, thuneitute'n hmasawnna kawng zawh tura sorkar laipui hmalakna an ngaipawimawh chu lawmawm a tih thu a sawi bawk. PMVY hi kut themthiamna lama theihna neite chawikanna tur leh an thiamna tipung a, kawng zau zawk hawnsakna tura ruahmanna a ni a, J&K-a district zawng zanwga kalpui vat theih beisei a ni.

PMVY hi sorkar laipui hian September 2023 khan a tlangzarh a, he scheme hnuaiah hian basic training, ni 5 aṭanga ni 7 sarih awh bakah, advance tarining ni 15 awh te neih a nih dawn bakah, training te hian ni tin stipend Rs. 500/- an dawng thei dawn a, tin, training zote hian Rs. 15,000 man hu an hmanraw mamawh hrang hrang an dawng thei dawn bawk a ni. PMVY hmang hian sorkar laipui hian kut themthiam thil neite chu a hriatpui ngei an ni tih chhinchhiah a nih theih nan certificate leh ID a siamsak dawn bawk a ni.