Sorkar laipuiin Myanmar ramria FMR tihtawp tum

Sorkar laipui chuan I n d i a l e h My a n m a r inrinaa Free Movement Regime (FMR) hman chu tihtawp thuai tum a nih thu a puang. Hemi c h u n g c h a n g a h  h i a n sorkar offi cial chuan India leh Myanmar inrina km 300 chu daidanna siam a nih tur thu sawiin, drone hmanga ramri survey an neih vek tawh thu leh, hnathawhna tur order pawh a chhuah vat tur thu a sawi.

India leh Myanmar hian Arunachal Pradesh, Nagaland, Manipur leh Mizoram te paltlang vekin km 1,643 ramri inṭawm an nei a, heng ramri hmun ṭhenkhat hi daidanna siam a ni lo a ni. Sorkar laipui aiawha official chuan heng daidanna awm lohna ramriah hian ram pahnihte aṭanga hnam khat anga inchhalte chu an inkalpawh nasat thu sawiin, heng mite avanga FMR pawh 1970- a siam a nih thu a sawi a, he dan ennawn a nih hnuhnun ber chu kum 2016 kha a ni tawh a ni.

FMR hnuaiah hian India khua leh tui emaw, Myanmar khua leh tui, tlang rama cheng, ramri aṭanga km 16 huam chhunga chengte chu border pass hmangin a w l s a m t a k i n a n inkalpawh thei a, border pass hi kum khat dam niin, hemi hmang hian kar hnihte an cham thei ṭhin a ni.

Covid-19 hri len hnu lawk, 2020 khan Manipur sorkar chuan FMR hi a lo titawp tawh a, chief minister, N. Biren Singh chuan Ministry of Home Affairs (MHA) hnenah FMR titawp tur leh daidanna siam turin a lo thlen tawh a ni.

Sorkar laipui offi cial hian FMR tihtawp a nih tur chungchangah hian Mizoram leh Nagaland-in an dodal rinna an neih thu sawiin,"Ramri hi sorkar laipui thuneihna hnuaia awm a ni a, an ngaihdan leh duhdante ngaithla chungin, thutlukna erawh sorkar laipui kuta awm a ni. Myanmar nen pawh inbiakna kan nei mek," tiin a sawi.