Doctor 1,021 lakna tur January 20-ah peih fel hman tum a ni : Health Minister

Tamil Nadu health minister, Ma. Subramanian chuan Medical Services Recruitment Board (MRB) kaltlanga doctor 1,021 lakna tur atana buaipui ngai zawng zawng chu January 20, 2024-ah chuan peih fel hman a nih tur thu a sawi

Health minister hian Tamil Nadu government dental college and hospital-ah bungraw thar hawnna neiin thu a sawi a, doctor lakna tur chu court thubuai 30 zet awm avangin tihkhawtlai a nih thu a sawi."Doctor hna lakna tur hi peih fel a ni ṭep tawh a, Covid-19 laia an hnathawhte chhiar tel a nih theihna tur pawh dah tel a ni dawn a, certificate endikna tur kalpui mek a ni. January 20-ah peih hman tum a ni a, chief minister-in appointment lehkha a thawn chhuak dawn a ni," tiin a sawi. Pharmacists 983, health inspector 1,200 leh thingtlang khuaa health nurse 2,200 te MRB hnuaia lakna tur pawh thla hnih chhunga peih a nih tur thu Ma. Subramanian chuan a tarlang bawk.