Rajasthan Karanpur constituency-ah inthlan buatsaih a ni

Nikum November 25-a assembly inthlan neih zawh taka candidate pakhat thihna avanga Rajasthan-a Karanpur seat inthlan ṭhulh takah nimin khan Election Commission ruahmanna angin inthlan buatsaih a ni.

Karanpur constituency hi Sriganganagar district-a awm a ni a, candidate 12 awmin Congress candidate, Gurmeet Singh Koonar thihna avangin nikum khan inthlan hun sawn a lo ni tawh a ni. Tuna inthlan buatsaih ah hian Congress hian candidate atan Koonar-a fapa, Rupinder Singh chu an dintir a ni.

Vote thlak hun hi zing dar 7 aṭang khan hawn niin tlai lam dar 6-ah khar a ni a, polling station 249 siam niin, Karanpur constituency-ah hian voter nuai 2.4 an awm a ni. Election Commission chuan inthlan vote chhiar hun atan January 8 a ruahman a ni.

Rajasthan assembly-ah hian seat 200 awmin Karanpur seat tiam lo hian seat 199-ah inthlanna neih a ni a, BJP chuan seat 115 lain sorkarna an siam a, chief minister atan Bhajanlal Sharma lak luh a ni tawh bawk a ni. Hetih lai hian Congress hian seat 69 chauh an la thung.