Viksit Bharat Sankalp Yatra-ah mi vbc 10 chuang tel tawh

Information and Broadcasting Ministry chuan Viksit Bharat Sankalp Yatra-a tel mi vbc 10 an tlin tawh thu sawiin, India mite'n ram ṭha zawk din tura Yatra an zawm chu lawmawm an tih thu an tarlang.

Viksit Bharat Sankalp Yatra hi nikum November thlaa Prime Minister Narendra Modi tlangzarh niin, sorkar laipuiin khawtlang tana hna a thawh tur hrang hrangte mipui hnen a thlen ngei theih nan leh a hniam ber thlenga an chawr theih turin kalpui a ni tih endikna atana hmalakna a ni a, Information and Broadcasting Ministry hian mimal vbc 7.50 chuangin 2047-a India ṭha zawk din tura intiamin chhia an chham tawh thu an sawi.

"Viksit Bharat Sankalp Yatra hi kawng zawh satliah mai a ni lo a, tha thawh ve tura inkoh chhuahna, ram pum nghawng thil a ni. Vawiina danglamna thlen tura ka hmalakna leh thu kan tiamte hian hma hun eng zawk min pe dawn a ni. He beihpuithlakah hian mipuite tha tihchak a ni ang a, India ram hmasawnna turin ke pen a ni ang," tiin an tarlang bawk.