Rajnath Singh-a'n UK tlawh

Union defence minister Rajnath Singh chuan ni hnih cham turin nimin khan United Kingdom (UK) a pan a, hei hi kum 22 hnua India defence minister-in UK a tlawh lehna hmasa ber a ni.

UK-ah hian Rajnath Singh hian UK secretary of state for defence, Grant Shapps nen inkawmna an nei dawn a, ram pahnihte inkara venhimna chungchang leh thawhho dan turte sawiin, indo thlawhna siam dun chungchangte pawh sawi dun tura ngaih an ni.

Rajnath Singh-a'n UK a tlawh hi ram pahnihte inkara boruak ṭha siam tura hmalakna pawimawh tak nia ngaih a ni a, 2022 June thla khan UK hi tlawh tum tawh mah se, rokhawlhna avangin a ṭhulh leh a ni. Defence minister hian inbiakna a neihna turah hian khawl kaihhnawih hmanrua leh ralthuam te an sawi ber dawna hriat a nih avangin Defence Research and Development Organisation (DRDO) leh Department of Defence Production aṭanga official pawimawh tak takte'n an ṭawiawm bawk a ni.