Exam paper leak vangin official 40 hrem nghal

Karnataka-a Class 12/ II PU Chemistry paper exam, nimina neih tur chu paper leak vangin cancel nghal a ni. Hei hi ni 10 chhung Chemistry paper ṭum hnihna a leak na a ni a, exam hun tur pawh April 12-ah sawn leh a ni.

Exam paper leak vang hian nimin khan exam official 40 chu suspend nghal an ni a, an zingah hian senior official-te pawh an tel. Zirlai leh an nu leh pate tam tak chuan exam paper leak vang hia nimin khan state chhung hmun hrang hrnagah lungawi lohna an lantir bawk.

March 21 kha Class 12 Chemistry paper exam neih hun tur a ni a, mahse zirlaiten paper a leak thu thuneitute an hriattir hnuah exam hun hi nimin, March 31-a neih turin sawn a ni. Nimin khan zirlai nuai 1.7 dawnin exam an beih dawn laiin, paper hi a leak leh tih hriat a nih avangin exam chu ṭhulh a ni leh ta a ni.

Minister of Primary and Secondary Education Kimmane Ratnakar chuan nimin khan thuchhuah siam nghalin, April 12-ah tluang taka exam buatsaih a nih theih nan a ṭul anga hma la turin member pathum awmna committee din a nih thu a sawi. Minister chuan thil dik lo thleng vang hian exam section-a official 40 chu hrem nghal an nih tih a sawi a, Criminal Investigation Department (CID) pawh exam paper leak chungchang hi chak taka chhui turin a nawr nghal bawk.

Karnataka BJP hruaitu leh Union Minister Ananthkumar chuan state Chief Minister Siddaramaiah-a kaihhruai sorkar chu exam felfai buatsaih thei loah a puh a, pawikhawihtute chu na taka hrem turin a phut bawk. West Bengal-a BJP MP Babul Supriyo pawhin Flyover chu ruahmanna fel fai tak hnuaia siam a ni lo tih sawiin, residential area-a siam niin, in ṭhenkhat tukverhte pawh a tawk fuh hial niin a sawi.

State BJP president leh MP Prahlad Joshi pawhn Primary and Secondary education minister Kimmane Ratnakar chu ban nghal turin a phut.