NCPCR-in Youtube official-te ko

National Commission for Protection of Child Rights (NCPCR) chuan Youtube-a nu leh an fapate inkara chet dan mawi lo tak phochhuah chungchangah Youtube official-te an hmaa inlan turin an ko.

NCPCR hian sorkar hotute hnenah hriattirna hi thlenin, Youtube public policy ekawltu chu January 15-ah amah ngei inlan turin an hrilh a, amah a inlan bakah hian Youtube-a nu leh an fapate inkara chet dan mawi lo tak tarlangtu channel awm zawng zawng leh chutiang kaihhnawih tarlanna channel neitu zawng zawngte hre turin an hriattir a ni.

NCPCR hi naupang himna lama hma latu an ni a, Youtube-ah hian hetiang kaihhnawih video hi a lar mek nia sawiin, nu leh an fapate inzawmna mawi lo zawnga lantirna video chu hmuh tur a tam hle niin an sawi. "Heng video-te hian naupang himna a tihderthawn theih bakah video entu tam tak zingah naupang an awm bawk avangin en tura him lo a ni," tiin an tarlang. NCPCR hian Youtube public policy enkawltu chu hriattirna an pek anga a inlan lo a nih chuan dan bawhchhia anga kalin hrem theih a nih tur thu an sawi tel bawk a ni.