Tuipui chunga India lei sei ber hawng dawn

Prime Minister Narendra Modi chuan vawiin hian India-in tuipui chunga lei a siam sei ber, Mumbai Trans Harbour Link (MTHL) chu hman ṭan theih turin a hawng dawn. MTHL hi Atal Setu tia hriat a ni bawk a, Prime Minister Atal Bihari Vajpayee hming chawia phuah a ni.

MTHL hi Rs. vbc 18,000 senga siam a ni a, Mumbai, Sewri aṭanga inṭanin Raigad district-a Nhava Sheva, Uran taluka-ah a tawp a ni. MTHL lei, tuipui chunga kal chin hi kilometre 16.50-a sei a ni a, khawmual chunga kal chin hi km 5.5 ni bawkin, khawmual pahnih thlunzawmtu a ni. Motor tlan theih nan lane 6-a siam a ni a, MTHL avang hian Mumbai aṭanga Navi Mumbai inkar kal hun chhung chu minute 20 chauh a ni tawh dawn a ni.

Thuneitute chuan MTHL-ah hian bike, autorickshaw leh tractor bakah lirthei tlan muang lutuk te, ke pathum nei lirthei dang reng reng leh ranin an hnuh kal lirthei te tan tlan phal a ni dawn lo niin an tarlang a, lirthei tlan turte tana speed limit pawh siamin, 100 kmph aia chaka tlan phal a ni dawn lo bawk a ni.