AIIMS damdawiin-ah Amit Shah dahlut

Union home minister Amit Shah chu Thawhṭanni khan Delhi-a All India Institute of Medical Sciences (AIIMS)-ah dahluh a ni a, damdawi-ina dahluh a nih chhan hi chest infection a neih vang nia sawi a ni.

Thawhṭanni khan Amit Shah hi private hospital-ah CT scan an tihpui a, hemi aṭang hian chest infection a nei tih hriat a ni. Doctor-te thurawn angin AIIMS-ah dahluh a ni ta a ni. Chest specialist AIIMS director Dr Randeep Guleria chuan Amit enkawl hna hi a thawk a, darkar 24 chhung chu Amit hi AIIMS-ah hian a awm rih ang.

Amit hi August 2 khan Covid-19 hri a kai tih hriat a ni a, doctor-te thurawn angin Gurugram, Haryana-a Medantga Hospital-ah dahluh nghal a ni. Kar hnih dawn enkawl a nih hnu August 14 khan hri a kai tawh lo tih a sawi a, a twitter lamah hri a kai tawh loh avangin an pathian chungah lawmthu a sawina leh doctor thu rawn anga in lama a inkhung rih tur thu pawh a sawi.