Ministry Of Education tia thlakna tur President-in pawm

19th August, 2020

President Ram Nath Kovind chuan Thawhṭannni khan National Education Policy (NEP) thara Ministry of Human Resource Development (MHRD) tih ṭhin chu Ministry Of Education tia thlak rawtna chu a pawmsak ta.

July thlaa Union Cabinet meeting neiha National Education Policy (NEP) thar duan a nih khan he policy zingah hian MHRD chu Ministry Of Education tiha thlakna tura rawtna a awm a ni. Thawhṭanni (August 17) khan president Kovind chuan gazette notification tichhuakin, HRD ministry chu Ministry of Education tia thlak a ni ta a ni.

Kum 1985 khan Ministry of Education tih chu HRD ministry tia thlak a ni a, kha tih hun laia prime minister kha Rajiv Gandhi a ni. Rajiv Gandhi chuan HRD minister hmasa ber atan P V Narasimha Rao chu a ruat bawk. NEP hi kum 1986-ah duan a ni a, kum 1992 khan siamṭhat a ni.