Delhi boruak chhia avangin khuahkhirhna khauh zawk siam

Sorkar laipui chuan Delhi-a boruak chhia chuan zual lam a pan zel nia hriaiin, Graded Response Action Plan (GRAP) stage -III hmanga boruak chhia tihziaawmna tur kawng hrang hrangte kalpui nghal a ṭul thu an puang.

GRAP stage-III hmang hian National Capital Region (NCR) huam chhungah lung kaihhnawih hna reng reng thawh khap a ni a, lei verh leh oil zawnga lei verhte khap a ni bawk. Heng bakah hian in leh building sak hna te, a tihchhiatte khap a ni bawk a ni. Hetih lai hian project ṭhenkhat erawh ngaihhnathiamna pek theih an ni thung a ni. NCR huam chhunga state sorkar leh National Capital Territory of Delhi (NCTD) sorkar chu BS III petrol hmang lirthei, BS IV diesel hmang lirthei te, ke li neite tan khapna thupek chhuah vat turin an ngen bawk a ni. He hmalakna hi Delhi bakah Gurugram, Faridabad, Ghaziabad leh Gautam Bugh Nagar district-ahte kalpui vek tur a ni.