Rashtriya Vigyan Puraskar award dawng tur rawtna theh luh hun hawng

Sorkar laipui chuan Pathianni khan thuchhuah siamin, a ṭum khatna atan, mimal leh pawl anga science leh technology lam leh, technology kaihnawiha thil siamchhuah lam kawng hawngtute tan, national science award a sem tur 'Rashtriya Vigyan Puraskar' nomination rawtna theh luh hun a hawn thu a tarlang.

He award semna tur hian nikum khan institution hrang hrangin award 300 chuang an buatsaih ṭhin titawpin din a ni a, category paliah ṭhen niin, medal leh thuziak a keng tel dawn a, a sum fai erawh pek tel a ni dawn lo. Nomination atana rawtna theh luh hun hnuhnung atan February 28 ruat a ni a, he ni hi National Science Day atan lawm ṭhin a ni. Award dawng tur puanzarnna hi May 11-ah neih a ni thung dawn a, hei hi National Technology Day ni ve thungin, Pokhran-II nuclear test champha a ni bawk. Award pek chhuah hun tur erawh August 23 niin, hei hi Chandrayaan-3 hlawhtling taka Thlaa a ṭum hriatreng nana National Space Day atan hman a ni thung.

Award hi mi 56 hnenah pek a ni dawn a, category paliah ṭhen niin, hei hi chi 13; physics, chemistry, biological sciences, mathematics and computer science, earth science, medicine, engineering sciences, agricultural science, environmental science, technology and innovation, atomic energy leh space science ang technology ahte ṭhen sawm leh a ni.

Mahni field ṭheuha thawhhlawk leh hun pum hlana thil ṭha tak tak lo thlen tawhtute tan Vigyan Ratna (VR) award pathum pek a ni dawn a, mahni field-a chhinchhiahtlak bika tha thawhtu mi 25-te tan Vigyan Shri (VS) award hlan a ni bawk ang. Scientist naupang zawk leh la tuai zawkte tihphur nan leh hnathawk ṭha bikte tan Vigyan Yuva: Shanti Swarup Bhatnagar (VY-SSB) award mi 25 hnenah pek a ni bawk ang a, team anga thawk zingah mi pathum leh a aia tam anga thawk a, an thawhna field-a che ṭha zual deuh deuh team pathum hnenah Vigyan Team (VT) awardd pek a ni dawn bawk.