Ram temple hawnna serh leh sanga tel turin Ram 56 aṭangin mi vbc 10 chuang sawm dawn

Vishwa Hindu Parishad (VHP) hruaitu, Alok Kumar chuan Ram temple hawn huna serh leh serh pakhat; 'Pran Pratistha' tih huna tel turin ram 56 aṭangin mi vbc 10 chuang hnenah sawmna pek an tum thu a sawi.

VHP international working president, Alok Kumar hian Pran Pratistha hmang tur hian khawvel puma ram 56 aṭanga mi vbc 10 chuang hnena sawmna thawn a nih hunah an bul hnai temple-a kal khawm a, Ram temple-a hun an hmang lai en tura an sawm thu hi a tarlang. "Pran Pratistha, Murthi Sthapana tia hriat bawk hi Hindu leh Jain te'n temple-a inthawina thianghlim kan hlan ṭhin a ni a, he serh leh sangah hian thu chham pualna neiin kan zaiho ṭhin a, temple-a lo cheng tura pathian sawmna niin, Murti mit tihmen ṭhin a ni," a ti.

Ram temple hi January 22-ah hawn tura ruahman a ni a, Pran Pratistha neih hunah hian mimal anga tel mai ni loin, a huhoa hun hmanna tura ruahmanna leh, Hindu-te'n khawvel tana an mawhphurhna an pawmna lantirna a ni dawn a ni tiin Alok Kumar hian a sawi bawk. January 22 chhunah hian Shri Ram Janmabhoomi Teerth Kshetra Trust chuan Ram temple sanctum-sanctorum-ah Ram Lalla chu lal anga ṭhuttirna hun an hmang dawn a ni. Ram temple hawn puala serh leh sang hrang hrang hi January 16 aṭanga ṭan tur a ni bawk.