Meghalaya leh Assam-a ni 3 hun hmang turin President Murmu zin chhuak

President Droupadi Murmu chuan January 15 aṭang 17 chhung hian Meghalaya leh Assam a tlawh dawn a, hei hi Murmu-i'n President a nih hnua Meghalaya a tlawh hmasak ber tur a ni nghal bawk.

Nimin khan President Murmu hian Meghalaya, Tura-a PA Sangma stadium-ah Meghalaya Games 2024 neih tur a hawng a, vawiin hian Tura-a Baljek airport-ah self-help group-te nen inkawmna hun an hmang dawn a ni. Hemi rual hian Integrated Administration complex lungphum a phum nghal bawk ang. Vawiin vek hian Mawphlang-a pung khawmte hmaah thu sawi tura ruahman a ni a, video conference kaltlangin Rongjeng Mangsang Adokgre Road leh Mairang Ranigodown Azra Road kawngpui siam ṭhatte a hawng dawn a ni. President hian Kongthong, Mawlyngot leh Kudengrim khuaa khualzinte riahna tur hmun sakte a hawng bawk ang a, tlai lamah ama puala Meghalaya sorkarin a buatsaih, Shillong-a Raj Bhavan-ah zanriah a ei dawn a ni.

President hian naktuk, January 17 hian Taralango, Assam-a Karbi Youth Festival golden jubilee hman mek chu a telpui ang.